بەرزەوبۊن کەمیگ لە نرخ تەڵا لە بازاڕەیل عراق
2021-12-26T10:09:06+00:00
شەفەق نیوز/ نرخ تەڵای بیگانە و عراقی لە بازاڕە ناوخۆیەیلەی بەغداد پایتەخت، ئمڕوو یەکشەممە ٢٦ کانوون یەکەم، بەرزەو بۊی.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ تەڵای خەلیجی و تورکی و ئەوروپایی لە بازاڕەیل بڕ فرووشتن لە جادەی نەهەر رەسیە ٣٧٢ هەزار دینار، و نرخ سەنینی رەسیە ٣٦٨ هەزار دینار.
پەیامنێرمان وتیش: نرخ فرووشتن یەک مسقاڵ عەیار ٢١ تەڵای عراقی بەرزەوبۊین وە خوەی دی لە پای ٣٤٢ هەزار دینار، و نرخ سەنینی رەسیە ٣٣٨ هەزار دینار.
لەباوەت نرخ تەڵا لە دوکان زەڕنگەرەیلە، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٧٥ هەزار دینار و ٣٨٠ هەزار دینار، و نرخ فرووشتن یەک مسقاڵ تەڵای عراقی هالە ناونی ٣٤٥ هەزار دینار ٢ ٣٥٠ هەزار دینار.
