بەرزەبوین نوویگ نرخ دۆلار لە بەغداد و هەولێر
2023-08-19T07:56:48+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت، و لە هەولێر پایتەخت هەرێم کوردستان، بەرزەو بوی.
پەیامنێر ئاژانس شەفەق نیوز وت: نرخ دۆلار ئەمریکی وەرانوەر دینار عراقی، شەوەکی ئمڕوو، لە بۆرسەی سەرەکی کیفاح و حارسیە لە بەغداد پایتەخت، رەسیە ١٥٣٨٠٠ دینار عراقی وەرانوەر ١٠٠ دۆلار ئەمریکی.
شەوەکی رووژ پەنجشەممەی گوزەشتە، نرخ ١٠٠ دۆلار ئەمریکی رەسیە ١٥٣٢٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد بەرزەو بوی، کە نرخ فرووشتن ١٠٠ دۆلار ئەمریکی رەسیە ١٥٥٠٠٠ دینار عراقی، و نرخ سەنینی رەسیە ١٥٣٠٠٠ دینار عراقی.
لە هەولێر پایتەخت هەرێم کوردستان، بۆرسە لە رووژەیل شەمە کار نیەکەێد، وەلێ لە بازاڕەیل نرخ دۆلار هەمیش بەرزەو بوی، کە نرخ فرووشتن ١٠٠ دۆلار ئەمریکی رەسیە ١٥٤٣٠٠ دینار عراقی، و نرخ سەنینی رەسیە ١٥٣٣٠٠ دینار عراقی.
