١٨ ئاوای لەوەر هشکەساڵی هەڕشەی بڕین ری دیالە - کوردستان دەن
شەفەق نیوز/ ئاوایەیل مێخاس لەبان سنوور خانەقین وەگەرد کەلار هەڕەشەی بەسیان رییگ ستراتیژی ناوبەین دیالە وکوردستان دان، لەوەر هشکەساڵی ونەوین خزمەتگوزاری.
خەڵک ١٨ لە ئاوایەیل مێخاس ک ئەرا ئاژانس شەفەق نیوز وتن: سامانەیل ئاوی لە گەرمیان نەمایە، ک بویە هشکەساڵی بکوشیگ ک گڵووڵەی کەرت کشتوکاڵی کرد، ک و بویە هووکار قەیرانەیل فرەیگ لە ئاو نووشین وەگەرد نەمان خزمەتگوزاری سەرەکی لەلایەن حکومەت فیدراڵی وئیداری خانەقین.
دووپات کردن ک بەشیگ لە ئاوایەیل لە ساڵەیل گوزەشتە بار کردن، لەوەر پەلامار و هەڕەشەیل داعش، و دووارە گلەو خواردن تا بکەفنە وەر قەیرانیگ سەختتر لە تیرۆر و بارکردن، لە دەسنشانیگ ئەرا ئەو هشکەساڵیە ونەمان خزمەتگوزاری سەرەکی وەگەرد گرفتەیل ژیان و گوزەرانی و زاڵبوین بیکاری ونەمان دەرفەت کار.
هەمیش باس ئەوە کردن ک ئمڕوو شەممە، ری خانەقین - کەلار ئەرا نزیکەی یەک ساعەت ئمڕوو بڕین، و دووارە وازی کریا وە دەسوەردان هیزە ئەمنیەیلە، ک پەیمان دا خەڵکەگە ک داوایکیان بڕەسننە لایەنەیل پەیوەندیدار و کار ئەرا جیوەجیکردنیان بکەن.
