ژیان وەگەرد کۆڕۆنا.. ریکارەیل سەخت لەبان دانیشتوەیل پارێزگایگ عراقی
شەفەق نیوز/ پارێزگای موسەنا، ئمڕوو شەممە، راگەیان ریکارەیل حکومەتی سەختیگ لەبان هاووڵاتیەیل و فەرمانبەرەیل ئەرا ژیان وه‌ڵ ڤایڕۆس کۆڕۆنا له‌وه‌ر چه‌و گرتنه .
پارێزگاگە لە بەیاننامەیگ رەسیە ئاژانس شەفەق نیوز وت: ئەحمەد مەنفی جۆدە پارێزگار موسەنا، فرمان دا ک دەوام لە فەرمانگەیل پارێزگاگە لەسوو یەکشەممە بوودە ٥٠% ئەرا ژیان وه‌ڵ کۆڕۆنا، وئاماژەدا لە رێکارەیلیگ حکومەتی سەختیگ لە موسەنا لەبان هاووڵاتیەیل و فەرمانبەرەیل.
بەیاننامەەگە دیاریکرد ؛ هەر فەرمانبەریگ لە وەخت دەوام فەرمی دەمامەک وەکار نارێد و پابەند نەوود وەریکارەیل سەڵامەتی وە دەوام نەکردگ دریەێدە قەڵەم.
بەیاننامەی پارێزگاگە وتیش؛ پارێزگار موسەنا هەمیش فەرمان دا وە وڵاوەکردن ئەمنی خەسیگ لەدویای پشووی جەژن، لەلایەن فەرماندەی پۆلیس موسەنا وفەرمانگەی تەندروسی موسەنا و گشت پارێزگاگە ئەرا سزاداین ئەوانەگ پابەند نێەوون، وهێزەیل ئەمنی پیادە وڵاوەکریەێدە جادەو بازاڕەیل شار سەماوە ئەرا سزاداین هاووڵاتیەگان ک پابەندی وە دەمامەک نەیرن.
بەیاننامەگە ئاماژەدا وە بەسانن گشت چێشتخانە وقاوەخانەگان ک پابەندی وە ریکارە تەندروسیەگان نێکەن، لەری وەکارهاوردن دەمامەک ئەرا کارمەنەگان، و دووپاتکرد ک ئی ریکارەیلە ئەرا ژیان وەگەرد پەتاگە لە ئایندە تیەێد و لەی هەفتە جیوەجی کریەێد.
