ئامانجکردن حەشارگەیگ داعش وە گورزیگ ئاسمانی لە حەمرین
شەفەق نیوز/ شانەی راگەیانن ئەمنی، ئمڕوو یەکشەممە، ئامانجکردن حەشارگەیگ داعش وە گورزیگ ئاسمانی لە حەمرین راگەیان، لەبنەمای زانیاریەیل دەزگای هەواڵگری عراق.
شانەگە لە بەیاننامەیگ رەسیە ئاژانس شەفەق نیوز وت: ئەو کار پیشەییە ک دەزگای هەواڵگری نیشتمانی ئەنجامی دەێد، هەر رەسێدە ئامانجەیلی، ک دویای ئەوەگ هیزیگ لە دەزگاگە دویەکە رەوانگەی حەشارگەیگ ئەرا تیرۆریستەیل لە زنجیرەی کویەیل حەمرین لە پارێزگای سەڵاحەدین کرد، و زانیاری رەسانە هیز ئاسمانی، گورزیگ ئاسمانی لەبان ئی حەشارگە جیوەجی کریا، وە هەماهەنگی وەرد شانەی ئامانجکردن سەروە فەرماندەیی ئۆپراسیۆنەیل هاوبەش.
وتیش: دویای ئەوە، هیزیگ لە فەرماندەیی ئۆپراسیۆنەیل سەڵاحەدین ئەرا وەشکین شوینەگە دەرچگ، توەنست تیرۆریستیگ دەسگیر بکەێد و یەکیگتر بکوشێد، و پشتین بومبکریاگ و ماتۆڕسکیلیگ و بومبیگ دانریاگ و دوو تفەنگ پەیا کرد.
