ئامار زەخمدارەیل خۆپیشاندەرەگان لە رووداوەیل ناسریە
2021-02-05T15:56:33+00:00
شەفەق نیوز/ سەرچەوەیگ پزشکی لە فەرمانگەی تەندروسی پارێزگای زیقار، ئمڕوو جمعە، خەوەردا ک ژمارەیگ لە خۆپیشاندەرەگان زەخمداربوین لەو رووداوەیلە ک شار ناسریە وەخوەی دی.
سەرچەوەگە ئەرا ئاژانس شەفەق نیوز وت: سێ خۆپیشاندەر لەوەر رویوەڕوبینەگان لەناوبەین خوەیان و هێزە ئەمنیەگان زەخمدار بوین، و ئاماژە کرد ک گشت زەخمدارەگان تەمەنیان هالە خوار بیس ساڵان.
سەرچەوەگە دیاری کرد ک گشت زەخمدارەگان وەگولە لەپایان دریاگە، وتیش؛ بریانە خەسەخانەگان ئەرا دەسوەردان نەشتەرگەری.
لەلای خوەیانیش، چالاکوانەیلیگ ئەرا ئاژانس شەفەق نیوز وتن: ئارامی ئەرا مەیدان حەبوبی هاتەو، لە دویای شەپۆلیگ لە رویوەڕوبینەگان لەناوبەین خۆپیشاندەرەگان و هێزە ئەمنیەگان.
