ئاماریگ بیوینە.. خنکیان زیاتر لە ٢٠ کەس وەرجە تەواوبوین تاوسان لە سەڵاحەدین
2023-08-17T13:45:49+00:00
شەفەق نیوز/ سەرچەوەیگ ئەمنی لە پارێزگای سەڵاحەدین، ئمڕوو پەنجشەممە، دووپات کرد کە رویداوەیل خنکیان رەسینە زیاتر لە ٢٠ کەس تا ئیسە لە گشت یەکەیل ئیداری وەرجە تەواوبوین وەرز تاوسان.
سەرچەوەگە ئەرا ئاژانس شەفەق نیوز وت: فرەی ئەو رویداوەیلە لە نزیک چەم دیجلە بویە ک لە سامەڕا وەناو قەزای بێجی تا رەسێدە سنوور باکوور پارێزگاگە، و دیاری کرد کە زیایبوین رویداوەیل خنکیان وەشیوەیگ بیوینە لەی وەرز تاوسانە لە ئایار تا ناوڕاس ئاب چوودەو ئەرا چەن هاوکاریگ، زاقتریان بەرزەبوین پلەی گەرمی، و چوینکە چەم دیجلە هیمان لەناو پارێزگاگە ئاوەگەی بەرزە.
وتیش: هاوکار رویداوەیل فرەجار لە لە تەقەلای مەلەوانی گەنج و کڕدەیل تیەێد، و بەشیگیان وە رویداو ناکاوی بوود، وتیش مەفرەزەیل ئەمنی دەسکردن چەودیاریکردن لە کناراوەیل چەم دیجلە ئەرا مقیەتیکردن کوڕ و گەنجەیل لە خنکیان، و نەهیشتن مەلەکردن لە شوینە رخبەرەیل.
