کامیرای شەفەق نیوز ها وەرد دەنگدەرەیل لە رووژ هەڵوژاردن گشتی دیاریکردن کاندیدەیلیان... وینە
2023-12-18T08:20:34+00:00
شەفەق نیوز/ کامیرای ئاژانس شەفەق نیوز، ئمڕوو دووشەممە، هاوەگەرد دەنگدەرەیل لە رووژ هەڵوژاردن گشتی و ئەرا هەڵوژاردن کاندیدەیلیان لە هەڵوژاردنەیل ئەنجومەن پارێزگایەیل، لەدویای ئەوەگ ئی ماف دیموکراتیە ئەرا ماوەی دە ساڵ پەکخریا.
وەپای وینەگر ئاژانس شەفەق نیوز کە وە وەناو شمارەیگ لەناوچەیل بەغدای پایتەخت و بنکەیل دەنگدانەیل گەردیە، پیشوازیکردن وەلایەن دەنگدەرەیل لاواز بویە لە ساعەتەیل یەکەم شەوەکی و رێکارەیل ئەمنی و تەکنیکی وەشیوەی بەرزیگ وەڕیوەچوود وە جویریگ دەنگدەرەیل وەئاسانی رەسێنە بنکەیل هەڵوژاردن.
سەرۆک تیم راگەیانن کۆمیسیۆن باڵای سەروەخوەیی هەڵوژاردنەیل عماد جەمیل وە ئاژانس شەفەق نیوز وت، "بنکەی دەنگدانەیل دەرەیل وێستگەیل هەڵوژاردنەیلیان وازکردن و وە شیوەی سروشتییگ وە لایەن دەنگدەرەیل پیشوازی کریەێد، هویچ سەرپیچیگ یان گیچەڵیگ تەکنیکی لەناو بنکەیل هەڵوژاردن نەژنەفیاس".
وتیش "گەشبینین وە بەشداریکردن گشتی و رێکارەیل خاسیگمان، ئەوەگ لە دەنگدان تایبەت رویدا لە دەنگدان گشتی دووارەو نیەود".
