ئاشکراکردن تاوان کوشتنیگ لەناو بنکەی تەندروسی
شەفەق نیوز/ مەفرەزیل نووسینگەی دژە تاوان دورە لە وەڕێۆبەرایەتی دژە تاوان بەغداد، توێنستن ئاشکرای تاوان کوشتن نادیاریگ لەناو بنکەیگ تەندروسی ناوچەی هۆر رجەب بکەن.
وەڕێۆبەرایەتیەگە لە بەیاننامەیگ رەسیە ئاژانس شەفەق نیوز وت: بنکەی پۆلیس ئەبو دشیر قاقەزەیل لێکۆڵینەوەی رواوەگە هەواڵە کرد و قسەیل ژن قوربانیەگە تۆمار کریا.
بەیاننامەگە دیاری کرد ک لەوەر گرنگی و نادیاری رووداوەگە، تیمیگ تایبەت دروس کریا و رەسینە شوین رووداوەگە و دەسکردنە چکن وە بندروس کارەگە و گردەوکردن زانیاریەیل و تۆمار کامیرایل، تا دەرکەفت ک خاوەن سکاڵاگە لە مەوقەی تاوانەگە هالە ناو بنکەی تەندرووسیەگە چوینکە جوور فەرمانبەرەیگ لەورا کار کەێد، و لە مەوقەی تاوانەگە لەناو ژوور وەڕێۆبەر بنکەگە بویە.
و باس ئەو گومانە کرد ک پەیا کریا، ک فەرمانیگ دادوەری وە دەسگیرکردنی دەرچگ، و وەزوان خوەی ئاشکرای مرافەیگ کرد لەناوبەین خوەی و شویەگەی و وەڕێۆبەر بنکەگە بویە،و شویەگەی دوو گولە وەرەو وەڕێۆبەڕەگە لە دەوانچەگەی وەشانیە، ئیجا وەڕێۆبەرەگە لە دەوانچەگەی تەقە وەرو قوربانیەگە کردگە و وەکوتپڕ کوشتیەسەی، وتیش؛ قسەیل توومەتبارەیل واژوو کریا.
