ئاشکراکردن تاوان نادیاریگ.. برادەر خوەی کوشتیە و تەرمەگەی فڕە داسە ناوچەی نەهرەوان
شەفەق نیوز/ وەڕێەوبەرایەتی دژە تاوان بەغداد، ئمڕوو یەکشەممە، وت: مەفرەزەیلی توەنستن ئاشکرای تاوان نادیاریگ لەلایەن توومەتباریگ بکەن برادەر خوەی کوشتیە، و تەرمەگەی لە ناوچەی نەهرەوان خوەرهەڵات بەغدای پایتەخت فڕە دایە.
وەڕێەوبەرایەتیەگە لە بەیاننامیگ وت: دەسگیرکردنەگە دویای ئەوە هات ک برای قوربانیەگە پەنا وە مەفرەزەی نویسینگەی دژە تاوان بەغداد برد، لە رفیان براگەی وەدەس کەسیگ نادیار، وەکوتپڕ وئەرا گرنگی باوەتەگە تیمیگ ئەرا رەسین وە بندروس رویداوەگە دروس کریا.
بەیاننامەگە وتیش: دویای مینەکردن و گردەوکردن زانیاری، ودویای رەنج گەورە و جیاوازیگ، وەماوەی پەنج ساعەت رەسینە ئەو ماشینە ک قوربانیەگە لەناوی بویە، ودەسنریا بان ماشینەگە، و توومەتبارەگە دەسگیر کریا، وتەرمەگە لە ناوچەی نەهرەوان پەیا کریا.
بەیاننامەگە وتیش: لە لێکۆڵینەوە، توومەتبارەگە ئاشکرای تاوان کوشتنەگە کرد، و قسەیکی واژوو کریا، و کاغەزەیلی خریا وەردەس دادوەر، وبڕیار بەندیکردنی وەگورەی مادەی ٤٠٦ لە یاسای سزادان دەرچگ.
