ئاسایش پەرلەمان نیاز دیرێد سوو گردەو بوود ئەرا باسکردن لە هاتن سوپای تورکیا ئەرا ناو خاک عراق
2024-07-08T13:34:58+00:00
شەفەق نیوز/ دەسەی ئاسایش و وەرگری لە پەرلەمان عراق، تەکبیر دیرێد سوو سێشەممە، گردەو بوود، ئەرا باسکردن لە داگیرکاری تورکیا لە ناوچەیلیگ لە پارێزگای دهۆک لە هەرێم کوردستان.
محمد شمەری ئەندام دەسەگە ئەرا ئاژانس شەفەق نیوز وت: سوو سێشەممە، سەرەتای وەرز یاسایی نووە لە ئەنجومەن نوێنەرەیل، و گردەوبوین دەسەی ئاسایش و وەرگری پەرلەمان کریەێد ئەرا باسکردن لە هانن تورکیا وەناو خاک عراق، و کەسەیل سەربازی ئەورا، و ئیمە باوەڕ دیریمن کە ئەوە داگیرکردنە.
شمەری دیاری کرد کە دەسەی ئاسایش و وەرگری پەرلەمان دویای گردەوبوین سوو هەڵوێست و بڕیار و تەمەی لەبان وەناوهاتن رخبەر و گەورەی تورکیا ئەرا خاک عراق دیرێد، و هەمیش میوانداری بڕیگ لە وەرپرسەیل کریەێد ئەرا باسکردن لەی باوەتە كە پەیوەندی وە سەروەری عراق و ئاسایش نەتەوەیی دیرێد.
لەی رووژەیل گوزەشتە، سوپای تورکیا لە ناوچەیل قەزای عمادیە لە شار دهۆک بڵاوەو بوین و خاڵەیل وەشکین دانان، لە وەختیگ پەرلەمانتارەیلیگ داوای دانیشانیگ جیاواز لە ئەنجومەن نوێنەرەیل کردن.
