کازمی لیدوانیگ لە سزیان بارەگای پارتی لە بەغداد کەێد
شەفەق نیوز/ موستەفا کازمی سەرۆک وەزیرەیل عراق، ئمڕوو یەکشەممە، لەناو بارەگای وەزارەت ناوخۆ وت: ئەو کردەوە لە ئاگرداین بارەگایگ حزبی لە هەفتەی گوزەشتە، لە وەختیگ ئەو هیز ئەرکدارە تەنیا تەماشای کەێد، کاریگ قەبووڵ نەکریاگە، و ئەوەسا سزا دریەێد، و لە خود وەختەگە بایەتە لایەنە وەرپرسەیل باس زانیاریەیل وەراسی بکەن.
وتیش: بایەتە شۊن گیچەڵەگە دیاری بکەیمن و شەرم لە ئاشکراکردنی و چارسەرکردنی نەکەیمن، جۊر کەسیگ بیمار پەنا وە پزشک دەێد تا خاسەو بوود، ئەراوە دەزگا و دامەزراوەیلمان خوازن ئەرک خوەیان جیوەجی بکەن، و لە خود وەختەگە بایەتە سزای یەکلاییگ وەرانوەر هەر کەموکوڕی بوود، و جەخت کرد ک مقەیەتیکردن سەروەری هاووڵاتی لە ئاسایش و پیاو ئاسایش دەسوەپی کەێد.
هەمیش وت: دەرەیلیگ ئەرا گەندەڵی لە گشت دامەزراوەیل عراق هەس، و ئەوە سیمایگە لە شۆن رمیان رژیمە دیکتاتۆرەیل باوجی تا ماوەی دیاریگ وەردەوام بوود، و ئیمە هیمان لە بەشیگ لە شۊنەیل وەزارەت ناوخۆ زیان لەلی دۊنیمن.
