کازمی فەرمان وازکردن لێکۆڵینەوەیگ لە پەلامارەگەی هەولێر دەێد
![کازمی فەرمان وازکردن لێکۆڵینەوەیگ لە پەلامارەگەی هەولێر دەێد](https://media.shafaq.com/media/arcella/1618472251675.jpeg)
کازمی دووپات کرد ک ئاسایش عراق لە وەرپرسایەتی حکومەت و هێزە ئەمنیە عراقیەکانە وەگشت کەرتەیلی، و ئی شیوەی کارەیل تیرۆرییە ک لە مانگ رەمەزان روی دەن خوازن ئاسایشەگە ئاڵووز بکەن.
لیوا یەحیا رەسول قسەکەر وەناو فەرماندەی گشتی هێزە چەکدارەکان وت: لەوەختیگ ک عراقیەکان لە هێزە ئەمنیەکان خاسترین شیوەیل وەرگری لەی وڵاتە و دژایەتی تیرۆر و گشت شیوەیل تاوانکاری دروس کەن، بەشیگ خوازێد ژاوەزاو دروس بکەێد و ئاسایش و ئارامی ئاڵووز بکەێد، وئی کارە رەتکریاگە و ئەوەسا وە یاسا و پشتگردن گەل عراق نوای کریەێد.
ناوخۆی هەرێم کوردستان راگەیان ئامانجکردن ناونەد هاوپەیمان ناودەوڵەتی لە فڕۆکەخانەی ناودەوڵەتی هەولێر وە فڕۆکەیگ بیفڕۆکەوان مادەی سەخت تەقەمەنی (تی ئێن تی) هەڵگردگە.
هەمیش کامپ سەربازی بەعشیقە لە پارێزگای نەینەوا ک هێزە تورکیەکان هانە ناوی، کەفتە وەر پەلاماریگ مووشەکی، ک بویە هووکار کوشتن یەک سەرباز تورکی، وەگورەی بەیاننامەی وەزارت وەرگری تورکیا.