کازمی خزمیگ وەزیر گواستنەوە هەواڵەکەێدە لێکۆڵینەوە
شەفەق نیوز/ موستەفا کازمی سەرۆک وەزیران، ئمڕوو سێشەممە، بڕیار لاوردن دا لەبان یەکەیگ لە خزمەیل وەزیر گواستنەوە ووەڕێوبەر هێڵە ئاسمانیەگان لە پۆستەگانیان، وهەواڵەی کردە لێکۆڵینەوە لەوەر دیرکەفتن گەشتیگ ئاسمانی ئەرا بەیروت لە هەفتەی گوزەیشتە.
ئەحمەد مەلا تەڵال قسەکەر وەناو سەرۆک وەزیران، لە کۆنگرەیگ رۆژنامەوانی ئمڕوو، ئاژانس شەفەق نیوز ئامادەی بوی وت: دیرکەفتن فڕۆکەگە ئەرا لوبنان گرنگی گەورایگ داشت لەلای سەرۆک وەزیران، و داناین عەلی محسن وەڕێوبەر هێڵە ئاسمانیەگان پێشیلکاری فەرمانە دیوانیەگە بوی ک گریەبەس ئی پۆستەیلە وە سەرۆک وەزیران کەێد.
مەلا تەڵال دیاریکرد؛ ک سەرۆک وەزیران فەرمان دا وە لاوردن وەڕێووبەر هێڵە ئاسمانیەگان، وفەرمانبەریگ لە خزمەیل وەزیر گواستنەوە وەناو ئەحمەد بەندەر، و هەواڵەکردنی ئەرا لێکۆڵینەوە لەوەر دیرکەفتن گەشتەگە ئەرا ٥٥ خولەک چوونکە به‌شیگه لە گەندەڵی.
ئاژانس شەفەق نیوز بڕیار سەرۆک وەزیران بڵاوکەێد لە لاوردن وەڕێوبەر گشتی هێڵە ئاسمانیەگان لەوەر دیرکەفتن فڕۆکەگە ک روی وەرەو لوبنان کردوید.
