ئازادکردن مناڵیگ رفیای و ڕزگاربوین پزشکیگ لە کوشتن لە عراق
شەفەق نیوز/سەرچەوەیلیگ ئەمنی، ئمڕوو جمعە، خەوەردان لە ئازادکردن مناڵیگ رفیای و ڕزگاربوین پزشکیگ لە کوشتن لە دوو پارێزگای عراقی.
سەرچەوەیگ ئەمنی لە سەڵاحەدین ئەرا ئاژانس شەفەق نیوز وت: کەسەیلیگ نەناسریاگ مناڵیگ لە بازاڕ شەرقات ئەرا یەکیگ لە ماڵەگان لە دەیشت قەزاگە رفانن، بەڵکم وە وەختیگ پەیمانەیی ئازاد کریا.
لە رووداویگ تر، سەرچەوەیگ ئەمنی لە دیالە، خەوەر لە رزگاربوین پزشکیگ سی ساڵانە دا لە تەقەلای کوشتنی لەبان ری مەنزەریە- خانەقین، دویای تەقەکردن لەلایەن نەناسریاگەیلیگ وەرەو پی.
سەرچەوەگە خەوەردا ئاژانس شەفەق نیوز ک نەناسریاگەیلیگ تەقە لە پزشکیگ لە تەمەن ٣٣ ساڵان لەبان ری مەنزەریە- خانەقین کردن، ک چەن گولەیگ چکنە ناو زگی، و وەرەو خەسەخانەی خانەقین بریا.
سەرچەوەگە دووپات کرد کە هێزە ئەمنیەگان لێکۆڵینەوەیگ ئەرا ئاشکراکردن ووردەکاریەیل رووداوەگە کردنەو.
