ئارامگردن نرخ دۆلار وەرانوەر دینار عراقی
2021-02-13T08:06:35+00:00
شەفەق نیوز/ ئمڕوو شەممە ١٣ی شوبات ٢٠٢١ ، نرخ دۆلار لە بۆڕسەی سەرەکی لە بەغداد ئارام گرد.
پەیامنێر ئاژانس شەفەق نیوز وت: بۆڕسەی کیفاح ناوەندی ئمڕوو، ١٤٥٩٠٠ دینار عراقی وەرانوەر ١٠٠ دۆلار ئەمریکی تۆمارکرد.
خوەی خود نرخەیلە ک لە بۆرسەی کیفاح ناوەندی لە بەغداد لە پەنجشەممەی گوزەیشتە تۆمار کریان.
پەیامنێرەگەمان ئاماژە کرد ک نرخ فرووشتن و سەنەین لە بازاڕە ناوخۆیەگان لە بەغداد هەمیش ئارام گرد ک نرخ فرووشتن رەسیە ١٤٦٢٥٠ دینار عراقی، ونرخ سەنین رەسیە ١٤٥٥٠٠ دینار وەرانوەر ١٠٠دۆلار ئەمریکی.
