ئارامگردن نرخ دۆلار لە بەغداد و هەولێر

شەفەق نيوز/ نرخ دۆلار ئەمریکی وەرانوەر دینار عراقی، ئمڕوو یەکشەممە، لە بۆرسەی سەرەکی بەغداد پایتەخت و هەرێم کوردستان  جیگیرە.      

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 148450 دینار عراقی وەرانوەر 100 دۆلار ئەمریکی. 

هەمان نرخ لە دویکە شەممە توومارکریایە. 

پەیامنێرمان وتیش؛ نرخ فرووشتن و سەنین لە دوکانەیل بەغداد جیگیرە، ک نرخ فرووشتن رەسیە 149000 دینار عراقی وەرانوەر 100 دۆلار ئەمریکی، و نرخ سەنینی رەسیە 148000 دینار.                  

لەهەولێر پایتەخت  هەرێم کوردستانیش نرخ دۆلار جێگیربوین وەخوەیدی، ک نرخ فروشتن رەسیە 148550 عراقی وەراوەر 100 دۆڵار ئەمریکی، و نرخ سەنینی 148450 عراقی وەرانوەر 100 دۆلار ئەمریکی.