ئارامگردن نرخ دۆلار لە بەغداد و داوەزینی لە هەولێر

شەفەق نيوز/ نرخ دۆلار ئەمریکی وەرانوەر دینار عراقی، ئمڕوو دووشەممە، لە بۆرسەی سەرەکی بەغداد پایتەخت ئارامگرد و هەرێم کوردستان  داوەزی.      

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 148300 دینار عراقی وەرانوەر 100 دۆلار ئەمریکی.

هەمان نرخ لە دویکە یەکشەممە توومارکریایە.

پەیامنێرمان وتیش؛ نرخ فرووشتن و سەنین لە دوکانەیل بەغداد جێگیرە، ک نرخ فرووشتن رەسیە 148750 دینار عراقی وەرانوەر 100 دۆلار ئەمریکی، و نرخ سەنینی رەسیە 147750 دینار.                  

لەهەولێر پایتەخت  هەرێم کوردستانیش نرخ دۆلار داوەزین وەخوەیدی، ک نرخ فروشتن رەسیە 148275 عراقی وەراوەر 100 دۆڵار ئەمریکی، و نرخ سەنینی 148150 عراقی وەرانوەر 100 دۆلار ئەمریکی.