ئارامگردن نرخ دۆلار لە بەغداد
![ئارامگردن نرخ دۆلار لە بەغداد](https://media.shafaq.com/media/arcella/1648281946874.jpeg)
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت جیگر بۊ.
پەیامنێر ئاژانس شەفەق نيوز وت: نرخ دۆلار ئەمریکی وەرانوەر دینار عراقی، بۆرسەی کیفاح و حارسیە لە بەغداد، شەوەکی ئمڕوو، رەسیە ١٤٧١٠٠ دینار، و هەر خود نرخە ک پیرەکە پەنجشەممە توومار کریا.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد جیگیرە، ک نرخ فرووشتن رەسیە ١٤٧٧٥٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٦٧٥٠ دینار عراقی.