ئارامگرتن نرخ تەڵا لە بازاڕەیل عراق
2021-12-19T10:55:02+00:00
شەفەق نیوز/ نرخ تەڵای بیگانە و عراقی لە بازاڕە ناوخۆیەیلەی بەغداد، ئمڕوو یەکشەممە ١٩ی کانوون یەکەم ٢٠٢١ داوەزیا.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ لە تەڵای خەلیچی و تورکی و ئەوروپایی لە بازاڕەیل بڕ فرووشتن لە جادەی نەهەر رەسیە ٣٦٨ هەزار دینار، و نرخ سەنینی رەسیە ٣٦٥ هەزار دینار.
پەیامنێرمان وتیش: نرخ فرووشتن یەک مسقاڵ عەیار ٢١ تەڵای عراقی ئارامی وە خوەی دی لە پای ٣٣٩ هەزار دینار، و نرخ سەنینی رەسیە ٣٣٥ هەزار دینار.
لەباوەت نرخ تەڵا لە دوکان زەڕنگەرەیلە، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٧٠ هەزار دینار و ٣٧٥ هەزار، و نرخ فرووشتن یەک مسقاڵ تەڵای عراقی هالە ناونی ٣٤٠ هەزار دینار و ٣٤٥ هەزار دینار.
