کابرایگ ئیرانی ئاگر خوەی دەێد چوینکە نویسینگەی مەرجعیگ ئاینی ری وەپی نەیاگە

کابرایگ ئیرانی ئاگر خوەی دەێد چوینکە نویسینگەی مەرجعیگ ئاینی ری وەپی نەیاگە
2023-03-20T11:30:16+00:00
شەفەق نیوز/ سەرچەوەیگ ئەمنی لە نەجەف، ئمڕوو دووشەممە، خەوەردا ک کابرایگ ئیرانی لەناوڕاس شارەگە خوەی ئاگردا.

سەرچەوەگە ئەرا ئاژانس شەفەق نیوز وت: هاووڵاتییگ ئیرانی لەناو تەمەن سی ساڵە، وە بەنزین لەژیر پیەڵ سەورەت عشرین ناوڕاس شار نەجەف خوەی سزان.

سەرچەوەگە دیاری کرد، ئەو کابرای ئیرانیە ئاگر خوەی داگە چوینکە نویسینگەی یەکیگ لە مەرجعەیل ئاینی لە نەجەف لەوەر قەرەباڵغی ری وەپی نەیاگە بچوودە دیدار مەرجع، وتیش: ئەو کابرا سزیانی سەختە و لە هووش خوەی چگە، و خریاسە خەسەخانە.

Shafaq Live
Shafaq Live