پاکەوکردن ئەڵوەن خریەێدە دویا تا خەڵک خانەقین تینی نەکەێد
شەفەق نیوز/ بەش سامانە ئاوییەیلە لە قەزای خانەقین، ئمڕوو جمعە، راگەیان دویاخستن هەڵمەت پاکەوکردن ئەڵوەن تا خەڵک شارەگە نەکفنە وەر کارەساتیگ.
وەرجەیە، بەشەگە وە هەماهەنگی وەگەرد وەڕێۆبەرایەتی سامانە ئاوییەیلە ، ئامێرەیل ئەرا دەسکردن وە پاکەوکردن ئەڵوەن ئامادە کرد، ک تەگبیر بوی لە سەرەتای مانگ ئاب دەس وەپی بکەێد، باوجی پاکەوکردنەگە بڕین و هشکەوکردن ئاوەگە خوازێد، ک بوودە کارەسات تینی فرەی ناوچەیل خانەقین لەسای ئی قەیران سەختە لە ئاو، وەگورەی قسەی موئەیەد شاکر وەڕێۆبەر بەشەگە ئەرا ئاژانس شەفەق نیوز.
شاکر دووپات کرد ک دویاخستن پاکەوکردنەگە پلانیگە ئەرا دابینکردن ئاو خواردن ئەرا مانگەیل ئایندە نەگ واران نەوارێد یا تەکان ئاو نوویگ لە ئاوەگە لەماوەی پاییز ئایندە نەوود، وتیش؛ پاکەوکردنەگە لەی مەوقەی ئیسە حەفارەی ئاوی خوازێد تا تەکان ئاو ئەڵوەن وەرەو ناوچەیل خانەقین بمینێد.
وتیش؛ ئەمار ئاوەگە لە بەنداو ئەڵوەن رەسێدە ٢٧ مەلیۆن م٣ ، ١٠ مەلیۆن مەلیۆن ٣م لەلی خەڕگ بنگردگە، و رێژەی تەکانەگەی رەسێدە ٣ م٣ لە چرکەیگ، وەرانوەر ١ م٣ لە چرکەیگ لە تەکان ئاو ئیران.
