ئەڕا چە هەزاران کەس ئمڕوو رووژ لە داڵگبوینیانە؟
2022-07-01T13:20:05+00:00
شەفەق نیوز/ لە سەرژمێری دانشتگەیل عراق ک لە بڕوار ٢ تشرین یەكەم 1957 وەڕیەو چگ، بایەت گشت عراقییگ خاوەن ناسنامە بویاتاد حکومەت مەلەکی ئەو سەردەمە بڕیاردا گشت مامەڵەیگ فەرمی دامودەزگایەیل حکومەت وە ناسنامە بکریەێد، وەپای ئەوەگ عراق لەوەر نزمی ئاست خوەنەوای هویچ گرنگییگ وەی باوەتە نەیاوێد.
باوجی لە دویای سەرژمێریەگە گشت تاکیگ عراقی بویە خاوەن نفوس خوەی لەوەر ئەوەگ کەس دڵنیا نەوی لە رووژ لەداڵگبوین خوەی ئەراوە حکومەت مەلەکی بڕیاردا ١-٧ رووژ لە داڵگبوین گشت عراقییگ بوود.
وەپای سەرشماریەگە دانشتگەیل عراق وەی جویرە بوینە:
رەگەز نیر: ٢.٢٩٤.٧٣ کەس
رەگەز ما: ٤.٢٤٤.١٢٦ کەس
بڕ گشتی: ٦.٥٣٨.١٩٩ کەس
واتە نزیکەی شەش ملیۆن کەس رووژ لە داڵگبوینیان کەفێدە ١ -٧، و ئمڕوو رووژ جەژن لە داڵگبوینیانە.
