پیاییگ لە بەغداد وە گولە زەخمدار ژن و دویەتەی کەێد ئیجا خوەی کوشێد
2023-07-27T10:37:00+00:00
شەفەق نیوز/ پولیس عراق، ئمڕوو پەنجشەممە، خەوەردا ک پیاییگ لە خوەرھەڵات بەغداد پایتەخت، وە گولە زەخمدار ژن و دویەتەی کردیە، ئیجا خوەییش کوشتیە.
سەرچەوەیگ لە پولیس ئەرا ئاژانس شەفەق نیوز وت: زانیاری لە تەقەکردن لە ناوچەی دوانم لە قەزای نەهرەوان خوەرھەڵات بەغداد وەپیمان رەسێ، تا هیزیگ روی وەرەو شوین رویداوەگە بکەێد.
سەرچەوەگە وتیش؛ مرافەیگ خیزانی کەفتیەسە ناوەین ژن و شوییگ، و شویەگە تەقە لە ژنەگەی و دویەتەگەی کردیە، و هەردوگیان زەخمدار سەختیگ بوینە، ئیجا وە کولە خوەی کوشتیە.
