پەیاکردن کوورپەیگ نەناسیاگ و تەرم مناڵیگ و خنکیان کەسیگ لە سلێمانی و گەرمیان و مووسڵ
بەش راگەیانن و پەیوەنیەیل لە وەڕیوبەرایەتی پولیس سلێمانی سەرکەوت ئەحمەد، وە ئاژانس شەفەق نیوز وت، دویەشەو، هاوڵاتیگ دویتە مناڵیگ تازە لەداڵگبوی پەیاکردیە لەناو یەکیگ لە بووسانەیل ناوچەی ئازادی لە پارێزگای سلێمانی، و پەیوەنی وە هێزەیل پۆلیس کردیە، وتیش پۆلیس سلێمانی مناڵەگە ئەرا خەسخانەی مناڵەیل کلکردیە ئەرا چارەسەر کردنی و ئیرنگە هالە ناو چەودیاری مناڵ پیشوەختە.
وتیش، هیزەیل پۆلیس دەس وەلێکۆڵینەوە کردنە لە ری کامیرەیل چەودیاری تا بزانن کی کارەگە ئەنجامدایە، دیاریکرد تاوان لەی جویرە لە شار سلێمانی فرە کەمەوبویە.
وتیش، ئەو مناڵە کە پەیاکریاس رەگەزی مایەس، تەمنی دوو تا سێ رووژە، لەدویای وەرگردن چارەسەر ئەرا ماڵ چاودیاری مناڵەیل لە سلێمانی بریەد.
هەمیش وەڕیوبەر راگەیانن پولیس ئیدارەی گەرمیان عەقید عەلی قەدوری، نقومبوین مناڵیگ 3 ساڵان لەناو حەوزیگ ئاو ناو باخیگ لە کەلار راگەیان.
لە بەیاننامەیگ رەسیە ئاژانس شەفەق نیوز قەدروی وت، خانەوادەی مناڵەگە دانشتگ کویچەی جویتیاران کەلارن سەردان بووسانیگ کردنە لەبان ری ئاوای "سەێد خەلیل" کە حەوزە ئاویگ داشتیە و مناڵەگە (میر ئەحمەد عەدنان) کەفێدە ناوی بوودە هووکار و خنکیان و مردنی.
لەشار مووسڵ سەر وە پارێزگای نەینەوا، سەرچەوەیگ ئەمنی وە ئاژانس شەفەق نیوز وت، هیزەیل ئەمنی روفات "سوخان" مناڵیگ وە ناو مەحمود سوڵتان 9 ساڵان لەناو حەوزە ئاویگ پەیاکردنە لەدویای مانگیگ لە گومبوینی لەناوچەی تل ئەبیب لە لای راس مووسڵ.
