پەیاکردن کوورپەیگ لە نزیک مزگەفتیگ لە مووسڵ فڕە دریاگە
2021-06-09T11:47:02+00:00
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە پەیاکردن کوورپەیگ لە نزیک مزگەفتیگ لە شار مووسڵ فڕە دریاگە.
سەرچەوەگە ئەرا ئاژانس شەفەق نیوز وت: هاووڵاتیەیلیگ تەرم کوورپەی یەک رووژەیگ لە نزیک دڵر مزگەفت عەلیم لە ناوچەی سەقەیل خەزرا لەلای چەپ مووسڵ پەیا کردن، و دانەی بنەکەی پۆلیس.
و دیاری کرد ک هاووڵاتییەیل دویای خوەرهەڵاتن پەیای کردن ک بەدەر مزگەفتەگە فڕەی دریاگە.
