پەیاکردن فڕۆکەیگ بێفڕۆکەوان پڕ لە تەقەمەنی لە زیقار

شەفەق نیوز/ زەکی حەسون قیامقام قەخای فهوود خوەرهەڵات پارێزگای زیقار، ئمڕوو سێشەممە، خەوەردا لە پەیاکردن فڕۆکەیگ بێفڕۆکەوان باری وە تەقەمەنی کریاگە.

حەسون ئەرا ئاژانس شەفەق نیوز وت: ئاگاداری لە هاووڵاتییەیل وەرگردیمن لە فڕۆکەیگ بێفڕۆکەوان، و هەنای دەزگا ئەمنیەیلە رەسینە لای، نووڕین باری لە تەقەمەنی کریاگە.

وتیش: درویژی فڕۆکەگە رەسێدە نزیک دوو مەتر، ونیەزانیمن چوین نیشتیەسەو لە یەکیگ لە ناوچەی قەزاگە، و روی وەرەو کوو کردیە.

حەسون دیاری کرد ک ئەو فڕۆکەی بێفڕۆکەوانە هویچ نشانەیگ وەپیەو نییە ئەرا شوین دروسکردنی، و ئامانج ونیازایل کلکردنی نیەزانیمن، و هیزە ئەمنیەیلە ئیرنگە لێکۆڵینەوە لەی باوەتە کەن.