پەیاکردن ریستورانتیگ 5000 ساڵە لە عراق
2023-02-15T09:20:51+00:00
شەفەق نیوز/ شوینەوار ناسەیل رێستورانتیگ لە عراق پەیاکردن ک مێژووەگەی چوودەو ئەرا پەنج هەزار ساڵ گوزەشتە سەردەم سۆمەریەگان.
تیمیگ وە هاوبەشی ئیتاڵی و ئەمریکی ک لە هەردگ زانکۆی (پینسلڤینیا و پیسا)وە هاتنەس ئەرا عراق لە باکوور خوەرهەڵات پارێزگای زیقار رێستورانتیگ پەیاکردنە لەناوی سیستەم سەردکەراوەی سەرەتایی و فڕنیگ گەپ و قاو و کەمچگ و کەلوپەڵ ئامادەکردن و پیشکەشکردن خواردن پەیاکردنە.
شوینەوارناسەیل باس لەوەش کردنە، رێستورانتەگە دوو شوین ئەرا خواردن و نووشین داشتیە ک یەکیان وازە و ئەوەکەیش بەسیاگە.
ئەو شارە رێستورانتەگە لەناوی دروسکریایە وە شوور لاگاش ناسریاگە ک شاریگ کوینەی سۆمەری بویە و ناوەندیگ شارستانیەت بویە لە میزۆپۆتامیا.
