پەیاکردن دوو تەرم لە عراق یەکیگیان ژنیگە
2021-04-22T07:45:01+00:00
شەفەق نیوز/ سەرچەوەیگ لە پۆلیس پارێزگای دیوانیە، ئمڕوو پەنجشەممە، خەوەردا لە پەیاکردن تەرم ژنیگ لەنزیک چەمیگ لە قەزای سدیر.
سەرچەوەگە ئەرا ئاژانس شەفەق نیوز وت؛ لێکۆڵینەوە سەرەتاییەکان کوشتن ژنەگە لەلایەن کابرایگ خاوەن تەکسی نشان دەن، باوجی تا ئیسە هووکار وهاندەرەیل تاوانەگە نادیارن.
هەر لیوا، سەرچەوەیگ لە پۆلیس پارێزگای بەسرە وت؛ پۆلیس ئاوی تەرم کەنجیگ سی ساڵانە لەناو شەت عەرەب وەخنکیاگ دەرکرد.
وەگورەی سەرچەوەگە؛ لێکۆڵینەوەکان چەسپانن ک گەنجەگە لەوەخت راوماسی خنکیاگە.
