پەیاکردن دو تەرم و زەخمداری مناڵیگ وە گولە لە بەغدا و زیقار
شەفەق نیوز/ سەرچەوەیگ ئەمنیلە پارێزگای زیقار، ئمڕوو دوشەممە، خەوەردا لە توومارکردن دو روداو ئەمنی لە پارێزگاگە یەکیگی کوشیان گەنجیگ وە هووکار نادیاریگ، لەخود وەختەگە پەیاکردن تەرمیگ وەلایەن هێزەیل ئەمنی.
سەرچەوەگە وە ئاژانس شەفەق نیوز وت: " مناڵیگ شەش ساڵان وە گولەی داگەسە پایەیلی لە ناوراس شار ناسریە ناوەن پارێزگاگە و زەخمدار بۊیە" وتیش"ئەرا خەسخانە کلکریا ".
هەر لە زیقار هێزەیل ئەمنی تەرم گەنج سی ساڵانیگ پەیاکردنە لە باشوور پارێزگاگە.
سەرچەوەگە وە ئاژانس شەفەق نیوز وت: " هێزەیل ئەمنی تەرم گەنج سی ساڵانیگ پەیاکردنە لە مەوقەی ماسی گردن لە زۆنگاوەیل قەزای جەبایش باشوور پارێزگاگە، دیاریکرد" روداو کوشتن راوچی ماسیەگە لە بارودۆخ نادیاریگ بۊیە، دەزگایەل ئەمنی لێکۆلینەوە لە روداوەگە وازکردنە ئەرا ئاشکەراکردن بندروس رووداوەگە".
لە بەغدا سەرچەوەیگتر خەوەردا هێزەیل ئەمنی تەرم پیاویگ وەتەمەن پەیاکردنە وە گولە کوشیایە خەڵک شار سەدرە.
