پەیاکردن تەرم گەنجیگ سی ساڵان لەناو چەم فڕەدریاس لە بەغداد
2024-04-06T13:24:22+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا لە پەیاکردن تەرم گەنجیگ سی ساڵان لەناو "چەم"فڕەدریاگە لە باشوور بەغدای پایتەخت.
سەرچەوەگەوە ئاژانس شەفەق نیوز وت، "زانیاری رەسیە لەباوەت رویداویگ لە ناوچەی وەرپرسیارەتی کویچەی قادسیە لە ناحیەی رەشید باشوور بەغداد، ئەرا شوین رویداوەگە چگنە دوێن تەرم گەنجیگ لەداڵگبوی 1994 لەناو چەم یوسفیە نزیک وێستگەی ئاو هەس".
دیاریکرد "تەرمەگە لە چەم دراوریاس" وتیش "لەبان تەرمەگە هویچ شوینیگ لێدان یا کەوەوبوین نییە ئەرا خەسخانەی مەحمودیە کلکریاس".
