پەیاکردن تەرم ژنیگ و زەخمداری گەنجیگ وە گولەی ویڵ لە بەغداد
2024-07-23T10:18:27+00:00
شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە پەیاکردن تەرم ژنیگ شیەوبوی، و زەخمداری گەنجیگ وە گولەی ویڵ لە دوو رویداو جیاجیا لە بەغداد پایتەخت.
سەرچەوەگە ئەرا ئاژانس شەفەق نیوز وت: زانیاری رەسیە لە بوو گەنیگ لە بینایگ لە ناوچەی سەعدون لە کەڕادەی ناوڕاس بەغداد، و رەسینە سەرچەوەی بووگە، کە لەناو شوقەیگ تەرم ژنیگ لە تەمەن ٧٠ ساڵە پەیا کریا، کە یە ماوەیگە مردیە.
وتیش؛ زانیاری لەبان ئەو ژن مردگە نییە، چوینکە بەڵگەی فەرمی نەیرێد.
هەرلیوا، سەرچەوەگە خەوەردا لە زەخمداری گەنجیگ لەداڵگبوی ساڵ 1998 لە ئەنجام تەقەکردن لە باخەیل بوسهێل لە قەزای تارمیە.
وتیش؛ گەنجەگە ئەرا خەسەخانە بریا.
