پەیاکردن تەرم پۆلیسیگ و کوشیان دۊتیگ لە باکوور شەنگال

شەفەق نیوز/ سەرچەوەیگ ئەمنی، ئمڕوو شەممە، خەوەردا ک هیزە ئەمنییەیلە  تەرم پۆلیسیگ و دۊتیگ لە ناحیەی سنونی باکوور شەنگال پەیا کردن. 

سەرچەوەگە ئەرا ئاژانس شەفەق نیوز وت: پۆلیس ناحیەی سنونی، شەوەکی ئمڕوو، تەرم پۆلیسیگ (٢٩ ساڵان)، و دۊتیگ (١٢ ساڵان) لەناوبەین کۆمەڵگەی بورک و دهولا لە ناحیەی سنونی باکوور قەزای شەنگال لە پارێزگای نەینەوا پەیا کرد، و شۊن گولە لەلەشیان بۊ.   

سەرچەوەگە دیاری کرد ک ئەو کابرای پۆلیسە وەرجە  چەن رووژیگ بیسەروشۊن بۊ، وتیش: هیمان لێکۆڵینەوە ئەرا رەسین وە بندروس رۊداوەگە وەردەوامە.