پەیاکردن تەرم ئەفسەریگ لە بەسرە وخوەیکوشتن گەنجیگ لە دیوانیە
2021-04-12T07:23:40+00:00
هێزیگ ئەمنی لە پارێزگای بەسرە، ئمڕوو دووشەممە، تەرمیگ پەیا کرد و دەرکەفت ئەفسەریگە لە سوپا وەدڵنگ مەدەنی.
سەرچەوەیگ ئەمنی لە بەسرە ئەرا ئاژانس شەفەق نیوز وت: تەرم ئەفسەریگ وەپلەی مولازم ئەوەل لە وەزارەت وەرگری پەیا کریا.
سەرچەوەگە وتیش: دەوانچەیگ لەشان تەرم کوشیایەگە لە ناوچەی تەنومە لە بەسرە پەیا کریا، و دیار نەکەفتگە ئەگەر رووداوەگە خوەیکوشتنە یا تاوان کوشتنە.
هەرلیوا، سەرچەوەیگ لە پۆلیس پارێزگای دیوانیە وت: گەنجیگ لە تەمەن ٢٧ ساڵان، لەناو ماڵەگەی خوەی لە سەنتەر پارێزگاگە ئاگر خوەی دا وخوەی کوشت.
سەرچەوەگە ئەرا ئاژانس شەفەق نیوز دیاری کرد ک وەگورەی لێکۆڵینەوە سەرەتاییەکان دەرکەفت ک گەنجەگە زیان لە گرفتەیلیگ ئابووری و خیزانی وەخوەی دیاد، ک هیشتنەی خوەی بکوشێد.
