پەیاکردن تەرم رووژنامەوانیگ وە کوشیاگی و خوەیکوشتن ژنیگ لە بەغدا
2023-10-17T10:15:50+00:00
شەفەق نیوز/ سەرچەوەیگ ئەمنی وەرپرس، ئمڕوو سێشەممە، خەوەردا لە پەیاکردن تەرم رووژنامەوانیگ وە کوشیاگی و هەمیش خوەیکوشتن ژنیگ لە دوو رویداو جیا و لە دوو ناوچەی جیاواز لە بەغدای پایتەخت.
سەرچەوەگە وە ئاژانس شەفەق نیوز وت، شەوەکی ئمڕوو زانیاری رەسی لە رویداویگ کوشتن نزیک لە چێشتخانەی "فەلافل لوبنان" لە چوارچمگ باخچەی ئومەت لەناوڕاس بەغدای پایتەخت، وتیش تیمیگ کارکردن دروسکردنە و رەسینە شوین رویداوەگە.
ئاشکەرابوی تەرم هاوڵاتیگ وە ناو (ع.م) لە داڵگبوی 1967 پەیاکریاس کە باج سەندیکای رووژنامەوانی وەپی بویە، هەمیش دیاریکرد قوربانیەگە دانشتگ شار موسڵە، تەرمەگەی هەڵگیریا و لێکۆڵینەوە لە رویداوەگە وازکریاگە.
لە رویداویگتر، ژنیگ لەداڵگبوی ساڵ 1992 لەڕی وەخوارخستن خوەی لەبان پیەڵ سەرافیە لە بەغدا خوەیکوشتیە.
هەمان سەرچەوە وتیش، وەلایەن پۆلیس دەریاوانی لایەن شار پزیشکی تەرمەگە دراوریاگە.
