پەیاکردن تەرم دویەتیگ لە میسان وەگولە کوشیاگە
2023-05-14T09:49:28+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە پەیاکردن تەرم دویەتیگ لە پارێزگای میسان، وە گولە کوشیاگە.
سەرچەوەگە ئەرا ئاژانس شەفەق نیوز وت: تەرم ئەو دویەتە ک وەگولە کوشیاگە لە ناوچەی مەساڵیخ لە دەورگرد قەزای مجەر لە پارێزگای میسان پەیا کریا.
دیاری کرد دویەتە کوشیایەگە لە تەمەن ١٥ ساڵانە، و بریا ئەرا پزشک دادوەری ئەرا تەواوکردن ریکارەیل یاسایی.
