ئاگر نادیاریگ ٤٠ دۆنەم گەنم لە دیالە سزنێد
2023-05-20T13:04:51+00:00
شەفەق نیوز/ سەرچەوەیگ ئەمنی لە دیالە، ئمڕوو شەممە، خەوەردا ک ئاگریگ نادیار ٤٠ دۆنەم لە دەورگرد ناحیەی سەلام باکوور خوەرھەڵات بەعقووبە سزان.
سەرچەوەگە ئەرا ئاژانس شەفەق نیوز وت: ئاگریگ لەناو خەلەیل گەنم لە ئاوای سەراچق سەروە ناحیەی سەلام هیز گرد، و بویە مدوو سزیان ٤٠ دۆنەم لەلای کەمەو.
وتیش: تیمەیل وەرگری شارستانی و ئامێر و خەڵکەگە توەنستن ئاگرەگە کپەو بکەن و نەیلن فراوانەو بوود، و دەسەڵاتەیل پەیوەندیدار لێکۆڵینەوە لە رویداوەگە واز کردن.
هەرلیوا، محمد جەبار مەندەلاوی وەڕیەوبەر راگەیانن کشتوکاڵی دیالە ئەرا ئاژانس شەفەق نیوز وت: هەڵمەت درەوکردن ٤ رویداو توومار کرد، ک گشتی رویداو بوینە چ لە شۆرت کارەبا لە تەڵ و پلیەیل لەوەر پلەی گەرمی یا چشتیگتر بویە.
وتیش؛ تا ئیسە لە دیالە هەیچ رویداویگ ئاگردان خراوەکاری یا تیرۆری توومار نەکریاگە، و درەوکردن وەشیوەی خاسیگ وەڕیەو چوود، وتیش: ئامار هویردیگ لە بڕ زەرەد ئاگرەیل تا ئیسە نییە.
