ئاگر گەپیگ ئەمارەیل گەورەیگ لە باکوور نەجەف سزنێد

شەفەق نیوز/ وەڕێەوبەرایەتی وەرگری شارستانی، ئمڕوو دووشەممە، خەوەردا ک تیمەیلی توەنستن رویداو ئاگر گەپیگ لەناو ئەمارەیل گەورەیگ وە رووبەر ٥٠٠٠ مەتر چوارسویکە وەتەواوی کپەو بکەن،  ک ئەو ئەمارە ئەرا کەسەرستەیل وە چینکۆ دروس کریاگە، و کۆمپانیای "بوعد رابع" خاوەنیە، لەناو ئاوای نیشتەجیبوینیگ وەناو (غەدیر) لە باکوور پارێزگای نەجەف.

وەگورەی بەیاننامەگە ک رەسیە ئاژانس شەفەق نیوز؛ تیمەیل وەرگری شارستانی لە پارێزگای نەجەف کەفتنە ئامادەباشی، و ماشینەیل وە تەواو تیمەیلیان وەگەرد تانکەرەیل ئاو کلکردن تا ئەو ئاگرە لەناو ئەمارەیل کۆمپانیاگە کپەو بکەن، و زوان ئاگرەگە لە بینایل شانی دویرە بخەێد، و وەبی توومارکردن زەخمداری وەگەرد کەمەوکردن زەردەیل دارایی کۆتایی وە رویداوەگە هاوردن.