ئاگر لەناو بازاڕیگ لە مووسڵ و تانکەریگ سوتەمەنی دوو ماشین لە زیقار سزنێد
شەفەق نیوز/ سەرچەوەیگ ئەمنی لە زیقار، ئمڕوو چوارشەممە، خەوەردا لە کوشیان گەنجیگ وە رویداویگ هاتوچو، و کەسیگتر لە رویداویگ جیا زەخمدار بوی، و ئاگر لەناو وەناوبانگترین بازاڕەیل مووسڵ هیز گرد.
سەرچەوەگە ئەرا ئاژانس شەفەق نیوز وت: گەنجیگ لە تمەن ٢٤ ساڵان، دویای رەسینی ئەرا خەسخانە گیانی لەدەسدا، ئەوەیش لەوەر تلیانی وە ماتوورسکڵ لە قەزای بەتحا لە زیقار.
هەرلیوا، سەرچەوە وتیش" تانکەریگ پڕ لە بەنزین لەبان ری ناودەوڵەتی باشوور زیقار پلیا، ئیجا ئاگر لەلی هیزگرد، و رانندەگە زەخمدار بوی، وهەمیش دوو ماشین (یوگن، وسنتافيا) سزان.
لە لاییگتر، سەرچەوەیگ ئەمنی لە نەینەوا وت: شۆرتیگ کارەبایی بویە هووکار هیزگردن ئاگریگ نزیکبوی بازاڕ نەبی یونس لەلای چەپ شار مووسڵ بسزنێد، باوجی تیمەیل وەرگری شارستانی رەسینە شوین رویداوەگە و کارەباگە بڕین، و نەهیشتن ئاگر بڕەسێدە دوکانەیل پڕتاڵ فرووشتن لەناو بازاڕەگە.
