ئاگریگ لە شارە پزشکیەگەی ناوڕاس بەغداد كه‌فته‌و
2020-08-06T11:14:03+00:00
شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە ئاگریگ لە شارە پزشکیەگە لە ناوچەی باب موعەزەم لە ناوڕاس بەغداد.
سەرچەوەگە ئەرا ئاژانس شەفەق نیوز وت: ئمڕوو وەرجە نیمەڕوو، ئاگریاگ لەناو ماڵ پزشکەیل بویەو لە ناوچەی باب موعەزەم لەناوڕاس بەغداد، و دیاری کرد ک ئاگرەگە لەناو شارە پزشکیەگە بوی.
سەرچەوەگە وتیش؛ وەڕێوبەرایەتی وەرگری مەدەنی ٤ تیم ئاگرکوژێنەوە رەوانەکرد وەگەرد ماشین پەلەکانەگە ئەرا کۆنتڕۆڵکردن ئاگرەگە ک لەناو یەکیگ لە ژوورەگان بویەو.
