ئاگریگ لە دیالە زیاتر لە 50 دوکان بازرگانی سزنێد
2022-06-22T07:39:24+00:00
شەفەق نیوز/ سەرچەوەیگ ناوخوەیی لە دیالە ئمڕوو چوارشەممە خەوەردا، لە ساعاتەیل دیر دویەشەو ئاگریگ کەفتیەسە ناو بازاڕ بەعقوبە بویەسە هووکار سزیان و لەناوچین دەیان دوکان بازرگانی.
سەرچەوەگە وە ئاژانس شەفەق نیوز وت، تیمەیل وەرگیری شارستانی و فەرمانگەیل پاڵپشتیکەر توەنستنە ئاگرەگە کپەوبکەن ک بویەسە هووکار وێرانکردن و سزیان زیاتر لە 50 دوکان بازگانی لە کۆمەڵگەیل جیاواز بازرگانی لەناو بازار زەعقوبە.
وتیش ئاگرەگە هویچ زەرەردیگ گیانی یا زەخمداری لەدویایەو نەویە، دەزگایەیل ئەمنی لێکولینەوە لە رویداوەگە وازکردنە.
لەماوەی ئی چەن رووژ دویاییە دیالە شمارەیگ سزیان دووکانەیل بازرگانی و باخ و زەوی کشاوەرزیەیل وە خوەیەو دیە، لایەنەیل دیاریکریای هووکار ئاگرەیل ئەرا کەشوهەوا یا رویداوەیل نائەنقەست گلەو دەن.
