پاپا: کەمەوبوینە نەهامەتیەگە لە ژمارەی مەسیحیەکان لە عراق و خوەرهەڵات ناوڕاس زەرەد گەورایگە
شەفەق نیوز/ پاپای ڤاتیکان فرانسیس، ئمڕوو یەکشەممە، باس کەمەوبوین ژمارەی مەسیحیەکان لە عراق و خوەرهەڵات ناوڕاس وە زەرد گەورایگ ئەرا سەراسەر کۆمەڵگاگە کرد.
پاپا لە وتاریگ لە حۆشل بەیعە لە شار مووسڵ وت: ئی کەمەوبوین نەهامەتیە لە ژمارەی شاگردەیل مەسیح لەێرا و لە خوەرهەڵات ناوڕاس زەرەد گەورایگە ئەرا ئەو کۆمەڵگا ک هالە پشتیان، و دووپات کرد ک تووڕە ڕەنگاوڕەنیەگەی کۆمەڵگاگە وە گوماکردن هەر ئەندامیگی خراو بوود.
هەمیش وت: ئمڕوو نمازمان وەخاتر قوربانیەیل جەنگ ململانە چەکدارەکان خوەنیمن، و لە مووسڵ ئەو دڵسەختیە ک جەنگەگە دژوە گشت پێکھاتەکان هیشتەی جی فرە وەئاشکرایی دیارە.
هەمیش وت: بڕواییمان دووپات کەیمن ک برایەتی لە کوشتن برایی قایمترە، و ئومید لە مردن وەهێزترە، و ئاشتی لە جەنگ وەهێزترە، و ئی دەنگە فرە لە خوسە و توندڕەوەی قوڕاتترە.
پاپا وتیش؛ شار مووسڵ دوو سومبل هالە ناوی، ک هیلید لە خودا نزیکەو بویمن، مزگەفت نووری ومەنارەی حەدبا.
