پاپا فرانسیس دویای سەردانیگ مێژووی لە بەغداد دەرچوود
2021-03-08T07:43:52+00:00
شەفەق نیوز/ پاپای ڤاتیکان، ئمڕوو دووشەممە، لە بەغداد پایتەخت دەرچگ، دویای سەردانیگ مێژووی سێ رووژ وەپی چگ.
پاپا فرانسیس لە سەردانەگەی ئەرا عراق چەوی کەفتە بەرهەم ساڵح سەرۆک کۆمار، و موستەفا کازمی سەرۆک وەزیران، ئیجا روی کردە نەجەف ئەرا دیدار مەرجع سیستانی.
ئیجا روی کردە شار مێژووی ئوور و نمازیگ یەک دەسی لەماڵ ئیبراهیم خوەنست، هەمیش روی کردە هەرێم کوردستان تا چەوی بکەفێدە مەسعود بارزانی سەرکردەی کورد، و نێچیرڤان بارزانی سەرۆک هەرێم کوردستان، و مەسرور بارزانی سەرۆک حکومەت هەرێم کوردستان.
و روی وەرەو مووسڵ کرد تا قوداسیگ مێژووی لە حۆشل بەیعە و قەرەقۆش بخوەنێد، تا دووارە ئەرا هەولێر باێدەو، و سەردان شار عەنکاوە گەوراترین شاریگ مەسیحی لە عراق بکەێد، ئیجا وەرەو یاریگای فرانسوا حەریری تا گەوراترین قوداس لە هەولێر بخوەنێد.
