ئەندامیگ ئەمنی لە کەرکوک ری لە پەیامنێر ئاژانس شەفەق نیوز بەسێد
شەفەق نیوز/ ئەندامیگ لە پۆلیس کەرکوک، ئمڕوو سێشەممە، ری لە پەیامنێر ئاژاس شەفەق نیوز بەسا، ونەهیشت وینە تۆمار وئامادەکاری راپۆرت لە رەوش شارەگە بکەێد، ک رێوشوێن تایبەت ئەرا مقەیەتی لە ڤایڕۆس کۆڕۆنا دوینێد.
هاوڕێ هەژار رەشید پەیامنێرمان لە کەرکوک وت: لە مەوقەی پووشانن رێکارەگان وتۆمارکردن جویلەی جادەگە لە گەڕەک رەحیم ئاوا، ئەندامەیل پۆلیس خۆجێی وەناکاوەو هاتنە ناو ونەیشتن تۆمار بکریەێد، وهەڕەشە وە شکانن کامیراگە دان ئەگەر تۆمارەگە نەسڕیەێد، وپویچەڵ ئەو کار رۆژنامەوانیە نەکریەێد.
رەشید وتیش؛ ک خوەی موڵەت فەرمی لە ئۆپراسیۆن پۆلیس و شانەی قەیرانەگە هەڵگردیە ک رەزامەنی لە کارەگەی وەپی داگە، بەڵکم کەسە ئەمنیەگە ئەوە پێشەل کرد وهەڕەشەی شکانن ئامێر تۆمارەگان دا.
ئاژانس شەفەق نیوز ، رەت ئی قەیەغەکردنە کەێد لە کارەیل هاوڕێە روژنامەنووسەیل، و وەپێشەلکردن رونیگ داینەێد دژوە ئازادی کار رۆژنامەوانی وداوا لە لایەنە پەیوەندیدارەیل لە کەرکوک کەێد، تا ری واز بکەن لەنوای هاوڕێە روژنامەنووسیەل وراگەیاننەیل ئەرا وەجیهاوردن ئەرکەیلیان، ولە پەلاماردان رۆژنامەنووسەیل وازبارن.
