ئەمێرکا سی وڵات پێشنار وە عیراق کەێد ئەرا هاوردن غاز لە جیای ئیران.
شەفەق نیوز/ فازڵ ئەلدەباس پسپۆر نەفتی، روژ پەنجشەممە، ئاشکرا لە پێشنیار ئەمریکا کرد، ئەرا دەرچین عیراق لە قەیران وزە وسەنین غاز لە بڕی لە وڵاتەیل یەکیگیان ئیرانه.
دەباس ئەرا شەفەق نیوز وت: ک ماوەی جیاکردن عیراق لە سزایل ئەمێرکی لە بان ئیران، و ریدان هاوردن غاز ئیرانی، لە کوتایی ئی مانکەگ وەڕیەوچود تەواو بود، وەبی ئەوەی بەدیلیگ پەیا بکەیگ ئەرا دەرچین لەی قەیرانه.
ووتیش ک ئیدارەی ئەمێرکی تەبلیغ دا وەحکومەتی عیراق لە وەختیگ رابردو وەگرنگی پەیا کردن بەدیلیگی ئەرا هاوردن وزه وغاز ئیرانی وپێشنیار بڕی وڵات کرد وەک مسر وسعودیە و ئیمارات.
ودەباس دیاریش کرد ک تا ئی وەخته نێزانیمن حکومەت عیراق چ بڕیاریگ داد، و وەرەو کورا روی کەیمن تایبەت لەی وەخته ک چیمن وەرەو قەیران کەهرەبا لەهاتن وەرز تاوسان.ئەمێرکا لە فیبڕایەر بڕیاریگ داویگ ری بدێد وە بەردەوامبوین هاوردن غاز وکەهرەبا ئەرا عیراق لە ئیرانەو، وەلی ماوەی ریدانەگە کەمەو بوی لە 90 روژ، ئەرا 45 روژ، وئیسەیش تەنیا 30 روژ ئەرا کوتایی ئەبریل، وەگورەی بەرپرسەیل عیراقی.
یەکیگیان کار لە نوسینگەی سەرۆک کۆمار کەێد ئەرا فڕانس پڕس وت: ئی درویژ کردنه خوەی دویاترینه ک دریاسه بەغداد ک هاله کنار قەیران ئابوری، وەگەرد داوەزین نرخ نەفت، وشایەت بچوود ئەرا 65 لەسەد خەسارەت لە داهات نەفت ک 90 لە سەد میزانیەت وڵاته.
ئەمێرکا جایکردنی داد وە عیراق وەمەرجیگ ک بەغداد بڕی کار بکێد ک پشتی وە ئیران کەمتر بوەسی، وە بڕی کار دیاری لە کەهرەبا یا پەیا کردن وڵاتەیل تر ئەرا وزە هاوردن.
و یەکی لە بەرپرسە گەپەیلەی عیراق ئەرا فڕانس بڕس وت: بەغدا پابەند وە هیوچ ئەگەریگ نەویه.ووتیش نەتیجەی ئەوە بایەت جیاکردنەگه پویچەڵ بکرێد، وەلی وەگەرد دویاترین موهڵەتیگ ئمەێرکی تێد وە هوی ئی رەوش ئیسە، جویر تەکلیف عەدنان ئەلزورفی، ودروس کردن حکومەتی تازه، ک واشنتون نیەتواد دەسپاچەی بکێد وەبی دریژەکردن، تایبەت لە سای ناگونجیی وەگەرد حزبه شیعەیله.وئەگەر جیاکردنەگە دریژەو نوی، بایەسه عیراق هاوردن غاز وکەهرەبا لە تەهران بوسنێد، یا بەردەوام بود وەگەرد تەهرانەو، وشایەت روي وەروی سزای ئەمریکی باد.
