ئۆپۆزسیۆن سوریا وه چهك نازییهيل جهنگ ئهكا
![ئۆپۆزسیۆن سوریا وه چهك نازییهيل جهنگ ئهكا](https://media.shafaq.com/media/archive/files/Archive.jpg)
2015-05-26T15:31:48+00:00
وهگورهێ ئهو گرتهێ ڤیدیۆییه ك سایت ئیلاف له ماڵپهڕ یوتیوب وهرێگردگه، گروپ (احرار الشام) سوریا تووپێگ ئهڵمانی له جوور (هاوتزر) 105ملم ئهڕا بهرهنگاربوينهوهێ رژيم بهشار ئهسهد وهكارتێرن ك مێژووی دروسكردنێ گلهو خوهێد ئهڕا جهنگ جههانیی دويهم و سهردهم نازییهيل.
تووپه نازییهگه عومرێ 80 ساڵه و له جوور FH18ه و مهوداگهێ تا 10 كیلومهتر چوود، گروپ (احرار الشام) له كۆگا سهربازییهگان رژيم سوریا ئهو تووپه كهفتگهسه دهسێان ك ئهویش ساڵ 1989 وه دیاری لهلایهن یهكيهتیی سۆڤیهت جارانهو درياسهپێ.
له ههواڵهگه باس لهوهيشكرياس ك ئهوهگ ها لهدهس شۆڕشگێڕهیل سوریا، ههر ئهو جووره تووپه نییه، بهڵكم دهسیش گردنهسه بان پهنج ههزار تفهنگ جوور STG-44 ك مێژووی ئهوانیش گلهوخوهێد ئهڕا سهردهم نازییهيل.