ئۆپڕاسیۆنیگ ئەمنی له دياله بڕێگ لە داعشيه‌یل لەناو بەێد
2020-05-07T21:18:57+00:00
شەفەق نیوز/ سەرچەوەیگ ئەمنی لە ئۆپڕاسیۆنه‌یل دیالە، ئمڕوو پەنجشەممە، باس لە کوشتن بڕیگ ل چەکدارەیل سەروە داعش و ویرانکردن ٥ شوون حه‌شار ئەو ریخریاوە كرد ، لە ئۆپڕاسیۆنیگ ئەمنی له باکوور خوەرهەڵات دیالە.
سەرچەوەگە ئەرا شەفەق نیوز وت؛ هێزەیلیگ هاوبەش لە ئۆپڕاسیۆنه‌یل دیالە و دەزگای ئیستخبارات وە دژە تیرۆر لە ناوچەیل نارین و خەلاویە و دەریاچەی حەمرین ئۆپڕاسیۆنیگ ئەنجام دان دژ چەکدارەیل تیرۆرست داعش. سەرچەوگە هەمیش وت؛ ئۆپڕاسیۆنەگە وە هێرشیگ ئاسمانی ویران ٥ شوون حه‌شار داعش کرد ، وەل کوشتن بڕیگ لە داعشەیل ك هەژماریان وە وردی دیار نەکریا چوینکە ئه‌و شوینه‌یله ویران بوین.
