ئۆپراسیۆنە هاوبەشەگان لە هەولێر: بایەسە بۆشاییە ئەمنیەگە وە هاوکاری پێشمەرگە پڕەو بکریەێد
2020-07-20T13:02:41+00:00
شەفەق نیوز/ ئۆپراسیۆنە هاوبەشەگان عراق، ئمڕوو دووشەممە، راگەیان له‌یه‌و‌دویا هاوکاری کەێد وەگەرد هێزەیل پێشمەرگە لە نواگردن ریخریاگ داعش. ئەویش لە مەوقەی گفتوگۆە سەربازیەگان هات لە ناوبەین هەردوگلا لە هەولێر، وە ئامەدەبوین هاوپەیمان ناودەوڵەتی.
یەحیا رەسول قسەکەر وەناو ئۆپراسیۆنەگە لە قسەگەی ئەرا رۆژنامەنووسەیل ك ئاژانس شەفەق نیوز لە ناویان بوی لە هەولێر وت: ئەرا نواگردن داعش ئیمە گشت هێزەگان خوازیمن.
وتیش: ریخریاگ داعش بووشاییە ئەمنیەگان لە ناوچەگە وەکار تیەرێد، ئەرا جیوەجیکردن کارەیلیان، ئەراوە بایەسە ئی بووشاییە پڕەو بکەیمن وە هاوکاری ناوبەین هێزەیلمان و هێزەیل پێشمەرگە.
