ئۆپراسيۆن"شيره‌يل جزيره"ى عراق ئه‌را له‌ناوبردن داعش تا مه‌رزه‌يل سوريا ده‌سوه‌پيكرد
شه‌فه‌ق نيوز/ هيزه‌يل چه‌كدار عراقى، ده‌سكردنه ئه‌نجامداين ئۆپراسيۆنيگ له سێ پاريزگا تا ره‌سيده مه‌رزه‌يل سوريا، ئه‌ويش له‌وه‌ر له‌ناوبردن پاشماوه‌يل ريكخرياگ تيرۆريستى داعش.
له‌ى باوه‌ته‌و، شانه‌ى ره‌سانن ئه‌منى له به‌ياننامه‌يگ ئه‌را ئاژانس شه‌فه‌ق نيوز، ئه‌وه ده‌رخست ك ئمڕوو ده‌مه‌و شه‌وه‌كى وه سه‌رپه‌رشى سه‌ركردايه‌تى فه‌رمانده‌يى هاوبه‌ش، ئۆرپراسيۆن "شيره‌يل جزيره" ده‌سوه‌پيكردگه ئه‌را وشكانن بياوان جزيره له باكوور پاريزگاى ئه‌نبار و باشوور پاريزگاى نه‌ينه‌وا و خوه‌رئاواى پاريزگاى سه‌ڵاحه‌دين تا ره‌سيده مه‌رزه‌يل ناوده‌وڵه‌تى وه‌ل كۆمار عه‌ره‌بى سوورى.
به‌ياننامه‌گه هه‌ميش وت: ئى وشكاننه، دووڵ سه‌رسار، ته‌ياره‌خانه‌ى جنێف، سنێسله، شاخ مه‌نايف، هاماريه‌يل راوه، شه‌عبانى، تريفاوى، دوول عه‌جيج، به‌رزايه‌يل ته‌يارات ئه‌گرێده‌و، ك له‌تى سه‌ركردايه‌تيه‌يل فه‌رمانده‌يى جزيره‌و سه‌ڵاحه‌دين و خوه‌رئاواى نه‌ينه‌واو حه‌شد شه‌عبى و عه‌شايرى له 11 محوه‌ره‌و به‌شدارى كردنه وه پاڵپشتى هيزه‌يل ئاسمانى.
