"ئيكسۆن مۆبيل" شاره‌زايه‌يلێ ئه‌يه‌رێده‌و ئه‌را سه‌رچه‌وه‌يگ نه‌فتى له به‌سره
2019-08-26T10:55:15+00:00
شه‌فه‌ق نيوز/ كۆمپانياى نه‌فت به‌سره، باس له‌وه كرد كۆمپانياى "ئيكسۆن مۆبيل" قه‌وڵ هاوردنه‌وه‌ى شاره‌زايه‌يلى داگه ئه‌را نويسينگه‌ى كاره‌يليان له سه‌رچه‌وه‌ى نه‌فتى خوه‌رئاواى قرنه1 له‌ماوه‌ى چه‌ن رووژيگ ئاينده.
له‌و باوه‌ته‌و، رووژنامه‌ى ئه‌لسه‌باح نيمچه فه‌رمى له شماره‌ى ئمڕووى له زووان ئحسان عه‌بدولجه‌بار وه‌ڕيه‌وبه‌ر گشتى كۆمپانياگه وت: كۆمپانياگه تواناى يه‌ده‌كى به‌رزيگ ديرێد ئه‌را به‌رزه‌وكردن وه‌رده‌وام هه‌نارده‌ى نه‌فت خام ئه‌را ئاستيگ به‌رزتر ك بڕه‌سێده 3 مليۆن و 400 هه‌زار به‌رميل رووژانه.
باس له‌وه‌يش كرد ك وه‌ى نزيكه‌يله شاره‌زايه‌يل كۆمپانياى ئيكسۆن مۆبيل گله‌و ئه‌خوه‌ن ئه‌را بان كاره‌يليان ك وه‌كارخه‌ر سه‌ره‌كى سه‌رچه‌وه‌ى نه‌فتى خوه‌رئاواى قرنه1 و تواناى په‌ره‌داين وه سه‌رچه‌وه‌گه ديرن.
